I-COMPETITION TRIBUNAL

(Esungulwe nguMthetho Wokuncintisana No. 89 ka-1998)

I-Competition Tribunal ("iTribunal") iyinhlangano ezimele yokwahlulela esungulwe ngokwesigaba 26 soMthetho Wokuncintisana, 89 ka-1998, njengoba uchitshiyelwe ("uMthetho"). Yahlulela ezindabeni zokuncintisana, okuhlanganisa ukuhlanganiswa kwezinkampani kanye nezenzo ezenqatshelwe (okuhlanganisa ama-cartel kanye namacala okusetshenziswa kabi kwesikhundla sokubusa emakethe), futhi isebenza njengenkantolo yokuqala ezindabeni zokuncintisana.

Ngokwesigaba 35 soMthetho, uSihlalo we-Competition Tribunal ngalokhu umema izicelo zesikhundla esilandelayo eTribunal (ePitoli).

Umsizi Omkhulu (Executive Assistant)
Iholo Lonyaka Lezindleko Eziphelele Zenkampani Liqala ku-R1 112 273.00

Ebika kuSihlalo, lowo ophethe isikhundla kuzodingeka anikeze uSihlalo ukwesekwa ngokuphatha kahle izinhlelo zesikhathi nokwenza imisebenzi ehlukahlukene, okuhlanganisa imisebenzi eyinkimbinkimbi neyimfihlo yokuphatha, yobunobhala neyokuhlaziya. Indima izohlanganisa okulandelayo:

Imisebenzi Ebalulekile

  • Ukuphatha nokuxhumanisa uhlelo lwesikhathi lukaSihlalo.
  • Ukubuyekeza nokuhlela imibhalo edinga ukunakwa nguSihlalo ngokulandelana kokubaluleka kwayo.
  • Ukugcina ngokuzimisela izinhlelo zokuqokwa ngokuhlela nokubeka imihlangano.
  • Ukuphatha idayari kaSihlalo.
  • Ukuxhumana namalungu eTribunal kanye ne-dtic njengoba kudingwa nguSihlalo.
  • Ukuhlola i-imeyili njalo usuku lonke nokuveza izindaba eziphuthumayo.
  • Ukubhala okusalungiswa, ukubuyekeza nokuthumela imiyalezo njengoba kudingwa nguSihlalo.
  • Ukulungisa, ukuhlela nokubuyekeza imibhalo yamacala kanye nezinhlelo zamasu nezokusebenza zeTribunal.
  • Ukulungisa imibhalo yemihlangano, imibiko yanyanga zonke kanye nezethulo.
  • Ukunikeza uSihlalo ukwesekwa kwezokubusa (governance), okuhlanganisa ukulandelela ukuthotshelwa kwemithetho kanye nokubika.
  • Ukuqinisekisa ukuthi izikhathi ezibekiwe ziyahlonishwa mayelana nemibiko kanye nokulandelela izinsuku zokugcina mayelana nezinqubo zomsebenzi nemibiko.
  • Ukubhala nokusabalalisa imizuzu yemihlangano.
  • Ukunikeza umsebenzi wokuphatha amarekhodi, okuhlanganisa ukuqoqa, ukusabalalisa, ukubuyisa nokufayela amarekhodi.
  • Ukunikeza umsebenzi wezokuthutha nokuhlela (logistics).
  • Ukuhlela uhambo nendawo yokuhlala, ukubhukha izingqungquthela, amasemina nokwenza noma yimaphi amanye amalungiselelo ahlobene nohambo njengoba kudingeka, ukunikeza izinhlelo zohambo ezinemininingwane, nokuhlela kabusha ezinye izibopho zedayari lapho kudingeka.
  • Ukuqinisekisa ukuthi iTribunal noSihlalo basebenza ngezinga eliphezulu lokusebenza kahle ngokunikeza uSihlalo ukwesekwa okudingekayo.

Iziqu, Amakhono kanye nolwazi

  • Idiploma yobunobhala noma izifundo noma idiploma ye-Paralegal.
  • Okungenani iminyaka emi-5 yesipiliyoni esifanele emsebenzini wobunobhala, we-paralegal noma ofanayo.
  • Amakhono amahle kakhulu okukhuluma nawokubhala.
  • Amakhono anobuchule ku-Microsoft Office (Word, Excel, Outlook kanye nePowerpoint).
  • Uhleleke kakhulu, unaka kakhulu imininingwane.
  • Amakhono amahle okuxhumana nabantu.
  • Amakhono amahle okuphatha isikhathi.
  • Uxhumana kahle, oxhumana kalula nababambiqhaza abasezingeni eliphezulu.
  • Ukwazi ukwenza imisebenzi eminingi ngesikhathi esisodwa futhi uvumelane ngokushesha nezinguquko kokubalulekile nezimo.
  • Ube nokuzimisela okuqinile ukusebenza kanzima namahora amade lapho kudingeka ukuze umsebenzi wenziwe.
  • Ikhono lokusebenzisana nabaphathi abakhulu, abaphathi abaphezulu kanye nabasebenzi bawo wonke amazinga.
  • Ikhono lokusebenza ngokuzimela.
  • Ukusebenzisa ukuzithathela izinyathelo kanye nokusungula izinto ezintsha ezinqubweni zomsebenzi.
  • Ukwamukela amathuba amasha nezinselelo ezinzima ngomqondo wokuphuthuma, amandla amakhulu kanye nentshiseko.
  • Ukuthuthukisa nokusebenzisa izinqubo zokuphatha ulwazi ezisebenza kahle kakhulu nezonga kakhulu, ngokugxila ekuthuthukisweni okuqhubekayo.
  • Ube nesimo sengqondo ‘sokuthi kungenzeka’ emsebenzini.

Sicela uthumele incwadi yakho yesembozo kanye ne-CV ku: vacancies@comptrib.co.za usho isikhundla osifakela isicelo emgqeni wesihloko. Imibuzo ingaqondiswa kuMphathi Wezabasebenzi (HR Manager), uNkk. Bellah Kekana ku-Bellahk@comptrib.co.za. Izicelo kumele zithunyelwe kungakadluli u-17h00 ngomhlaka-06 Novemba 2026.

Abafakizicelo kumele bazibone bengaphumeleli uma bengakatholi ukuxhumana okuvela kwiCompetition Tribunal emavikini amabili ngemuva kosuku lokuvalwa.

ITribunal iyahlonipha ukuhlukahluka futhi ingumqashi ohlinzeka ngamathuba alinganayo kanye nokulingana emsebenzini.