LEKGOTLA LA PHADIŠANO
(Le hlomilwe ka Molao wa Phadišano wa No. 89 wa 1998)
Lekgotla la Phadišano ("Lekgotla") ke lekgotla la boahlodi leo le ikemetšego leo le hlomilwego go ya ka karolo ya 26 ya Molao wa Phadišano, 89 wa 1998, bjalo ka ge o fetošitšwe ("Molao"). Le ahlola merero ya phadišano go akaretšwa kopanyo ya dikhamphani le mekgwa ye e iletšwego (go akaretšwa dikhartele le melato ya tšhomišo ye mpe ya maemo a taolo mmarakeng) gomme le šoma bjalo ka kgorotsheko ya maemo a mathomo mererong ya phadišano.
Go ya ka karolo ya 35 ya Molao, Modulasetulo wa Lekgotla la Phadišano ka se o mema dikgopelo tša maemo a a latelago ka Lekgotleng (Pretoria).
Mothuši wa Kgorotsheko (Court Orderly)
Moputso wa Ngwaga wa Ditšhenyagalelo ka Moka tša Khamphani o Thoma go R401 747.00
Ge a bega go Hlogo ya Ngwadišo (Registry), yo a lego maemong o tla swanelwa ke go fa ditirelo tša mathomo tša ngwadišo go Lekgotla la Phadišano (Lekgotla) le Kgorotsheko ya Boipiletšo ya Phadišano (CAC), go fa kgokaganyo, taolo le go hlokomela gore ditshepedišo di sepela gabotse ka diphapošing tša kgorotsheko, le go tsenya letsogo taolong ye e šomago gabotse ya ditokumente nakong ka moka ya ditshepedišo tša theeletšo. Karolo e tla akaretša tše di latelago:
Maikarabelo a Bohlokwa
- Fa thekgo ye e feletšego ya taolo le ya thulaganyo go kgorotsheko
- O laola merero ya taolo yeo e amanago le ditshepedišo tša kgorotsheko
- Laola peakanyo le tlhamo ya kgorotsheko go ya ka dinyakwa tša theeletšo
- Boloka thulaganyo ka phapošing ya kgorotsheko nakong ya ditshepedišo
- Thuša ka go amogela, go faela le go rekhoda ditokumente tša melato ka tshepedišong ya taolo ya melato
- Thuša ka taolo ya ngwadišo/taolo ya melato
- Thuša ka taolo le go latišiša difaele tša melato
- Boloka tshedimošo ye e lego ya morago bjale ka tshepedišong ya taolo ya melato
- Hlokomela matšatši a mafelelo ka ngwadišong le taolong ya melato gomme o thuše go netefatša gore a a fihlelelwa
- Ikgokaganye le taolo ya melato mabapi le maemo a molato, o netefatše gore a dula a mpshafaditšwe ka tshepedišong ya taolo ya melato
- Fa thekgo ya taolo go Balaodi ba Melato le Mongwadiši (Registrar)
- Netefatša go obamela Melawana (Rules) ge go šongwa le melato
- Bokgoni bja go boloka tshedimošo ya sephiri
- Araba dipotšišo go tšwa go bakgathatema ka botsebi
- Thuša ka go beakanya le go rulaganya ditheeletšo, go akaretšwa go lokišetša ditsebišo tša go bea melato lenaneong (notices of set down)
- Dira mešomo efe goba efe ye mengwe yeo e abilwego ke Mongwadiši le/goba maloko a Lekgotla
Mangwalo a thuto, Bokgoni le maitemogelo
- Mokgopedi o swanetše go ba le Dipoloma ya taolo (administration).
- Maitemogelo a mošomo a mengwaga ye mebedi taolong ya kakaretšo a a gapeletšwa. Maitemogelo a go šoma bjalo ka mongwaledi wa kgorotsheko (court clerk) e tla ba mohola o oketšegilego.
- Maitemogelo a go šomiša softwere ya taolo ya melato goba ya ditokumente ke mohola.
- Mabokgoni a mabotse kudu a poledišano ya molomo le ya go ngwala.
- Mabokgoni a go beakanya, go rulaganya le go laola nako.
- Bokgoni bja go šoma ka fase ga kgatelelo le go fihlelela matšatši a mafelelo.
- Go ela hloko dintlha.
- Bokgoni bja go šomana le tshedimošo ya sephiri.
- Mabokgoni a khomphutha ka bokgoni bja MS Office.
- Go lebelela tirelo go bareki
Hle imeile lengwalo la gago la go akaretša le CV go: vacancies@comptrib.co.za o bolela maemo ao o dirago kgopelo go ona mothalong wa ditaba. Dipotšišo di ka lebišwa go Molaodi wa Methopo ya Batho (HR Manager), Mdi Bellah Kekana go Bellahk@comptrib.co.za. Dikgopelo di swanetše go romelwa e sego ka morago ga 17h00 ka la 10 Dibatsela 2026.
Bakgopedi ba swanetše go ipona ba sa atlege ge ba se ba hwetša kgokagano go tšwa go Lekgotla la Phadišano dibeke tše pedi ka morago ga letšatšikgwedi la go tswalela.
Lekgotla le hlompha go fapafapana gomme ke mongmošomo wa sebaka sa go lekana le tekatekano ya mešomo.